Kipr Respublikası ilə Ermənistan arasında müdafiə sahəsində razılaşma imzalanıb.

Axar.az xəbər verir ki, Kipr Müdafiə naziri Xristoforos Fokaidis dünən Yerevanda həmkarı Seyran Ohanyan ilə görüşüb.

Səfər çərçivəsində Kipr ilə Ermənistan arasındakı əməkdaşlığın genişləndirilməsi, müdafiə və təhlükəsizlik məsələləri müzakirə olunub və ikitərəfli əməkdaşlıq proqramı imzalanıb.

Daha sonra keçirilən mətbuat konfranında Fokaidis geosiyasi qeyri-müəyyənliyin, qeyri-sabitliyin və asimmetrik təhdidlərin olduğu bu dövrdə təhlükəsizlik sahəsində gücləndirilmiş bir əməkdaşlığın vacibliyinə toxunub.

Ohanyan isə öz növbəsində Kipr ilə Ermənistan arasındakı əlaqələrin daha çox inkişaf etdirilməsi lazım olduğunu deyib. Erməni nazir 2016-ci ilin yazında reallaşdırılacaq "Arqonaftis" (Arqonot) hərbi təliminə Kiprin də qoşulmasını istəyib.

Yunan nazir səfər çərçivəsində Ermənistan Prezidenti Serj Sarkisyan ilə də görüşüb.