Gürcüstanda marixuana satışının leqallaşdırılması tələb olunur. Tiflisin hökumət evinin qarşını toplaşan yüzlərlə aksiyaçı marixuana istifadəsinə görə cinayət məsuliyyətinin ləğv edilməsinə səsləyiblər.

Axar.az xəbər verir ki, "Həbs etmə!", "Mən cinayətkar deyiləm!" şüarları altında keçirilən aksiya parlamentdə marixuanadan istifadənin dekriminallaşmasını nəzərdə tutan qanun layihəsinin müzakirəsindən əvvəl təşkil olunub.

"Biz hökuməti marixuanadan istifadəyə görə adamları həbsə atmamağa səsləyir və parlamentə təqdim edilən qanun layihəsini dəstəkləyirik", - aksiya təşkilatçılarından biri Lekso Macavariani bildirir.

Belə aksiyalar Gürcüstanda artıq 3 ildir ki, keçirilir. Hazırkı qanunvericilik marixuana da daxil olmaqla qeyri-satış məqsədilə az miqdarda narkotik maddələrin əldə olunması və istifadəsinə görə 500 lari (220 dollar) məbləğində cəriməni nəzərdə tutur. Qanunu bir il ərzində təkrarən pozan şəxs isə cinayət məsuliyyətinə cəlb olunur.

Marixuananın dekriminallaşdırılması ilə bağlı "2 iyun" hərəkatı 4 il əvvəl yaranıb. Lekso Maçavarianinin sözlərinə görə, bu müddət ərzində hərəkat qanunverciliyi dəyişdirməyə nail ola bilməyib. Lakin kampaniya nəticəsində ictimaiyyətin məsələyə münasibətində əhəmiyyətli dəyişiklik baş verib. Parlamentin müxalifətdən olan üzvləri bu qanun layihəsini dəstəkləyirlər. Hakim partiya və hökumətin bu məsələyə münasibəti isə birmənalı deyil. Ədliyyə nazirinin birinci müavini Aleksandr Baramidzenin sözlərinə görə, Gürcüstan hazırkı mərhələdə marixuananın dekriminallaşdırılmasına hazır deyil.