Rusiya Donetsk və Luqansk bölgələrinin işğal altındakı hissəsi ilə Abxaziya və Cənubi Osetiyadakı kimi davranacaq.

Axar.az xəbər verir ki, bunu Üçtərəfli Təmas Qrupunun Ukraynadan olan üzvü Sergey Qarmaş bildirib.

Onun sözlərinə görə, suveren dövləti zəiflətmək məqsədilə onun ərazisində qorunan münaqişə yaratmaq Rusiya hökumətinin taktikasıdır:

“Bu, 1992-ci ildə Moldovada (Dnestryanı), Gürcüstanda (Abxaziya və Cənubi Osetiya) baş verdi, indi də bu aqibət Ukraynanı gözləyir. Kreml Abxaziya ssenarisinin tətbiqinə doğru irəliləyir və Donetsk və Luqansk vilayətlərinin əlahiddə rayonlarının Rusiyaya inteqrasiyası sürətlə davam edir. Fərq yalnız ondadır ki, Kreml Donetsk və Luqanskın müstəqilliyini tanımayıb”.