Türkiyədə keçirilən parlament seçkiləri zamanı HDP-nin Diyarbəkirdən seçilən millət vəkili kürd dilində and içmək istədiyini deyib.

ANS-in məlumatına görə, Feleknas Uca adlı qadın millət vəkili 44 il əvvəl ailəsi ilə birlikdə Almaniyaya köçüb. O, türkcə bilmədiyini, kürd, alman və ingilis dillərini bildiyini deyib. "Türk dilini bilmədiyim üçün kürd dilində and içmək istəyirəm", - deyən HDP millət vəkilinin sözləri bəzilərində narahatlıq yaradıb.

Belə ki, 1991-ci il seçkilərində SHP (Sosial Demokrat Partiyası) namizədi Leyla Zana da millət vəkili seçilən zaman kürd dilində and içmişdi. Səs-küylü andiçmə mərasimindən sonra qadının millət vəkili kimi hüquqları ləğv edilmişdi.

O, 1994-cü ildə həbs edilmiş və yalnız 10 ildən sonra - 2004-cü ildə azadlığa buraxılmışdı. 2011-ci ildə yenidən millət vəkili seçiləndə isə Leyla Zana kürd deyil, türk dilində and içmişdi.