Məlum olduğu kimi, ABŞ Prezidenti Co Bayden Rusiya Prezidenti Vladimir Putinlə telefon danışığında onu Ukraynanın sərhədində gərginliyi azaltmağa çağırıb. Bu zəng Moskva üçün bir işarə idi. Yəni, nə edirsiniz edin, amma bütün Ukraynanı götürməyin.

Axar.az xəbər verir ki, bu barədə "Rossiya 1" telekanalında "Vladimir Solovyovla axşam" proqramının efirində layihənin aparıcısı, rusiyalı telejurnalist Vladimir Solovyev bildirib.

“ABŞ-da yaxşı başa düşürlər ki, Baydenin Putinə telefon zəngi olmadan Rusiyaya qarşı sanksiyalar tətbiq edilsə, Moskva bütün Ukraynanı götürəcək. Sanksiyalar isə labüddür. Çünki əgər Bayden sanksiya tətbiq etməsə, Respublikaçılar onu məhv edəcək. Ona görə ABŞ yol ayrıcında qaldı, saksiya tədbiq etmək və tam olaraq Ukraynanı itirmək, ya da respublikaçılara təslim olmaq. Ona görə Bayden zəng etdi: “Nə edirsən, et, amma Ukraynanın sərhədlərinə keçmə”.

Odur ki, Baydeni qırmayaq və hər şeyi planlaşdırdığımız kimi edək”, - deyə o qeyd edib.