İslam Əməkdaşlıq Təşkilatını (İƏT) islamofobiya ilə qətiyyətlə mübarizə aparmağa çağırıram.

Axar.az xəbər verir ki, bunu Pakistan Baş naziri İmran Xan İƏT üzvü ölkələrin səfirləri ilə görüşdə deyib.

O bildirib ki, Məhəmməd peyğəmbərə qarşı qeyri-etik ifadələr 1,5 milyard müsəlmanı yaralayır:

“Çox təəssüf ki, İƏT bunun ifadə azadlığı olmadığını Qərb ölkələrinə inandıra bilmir”.

İmran Xan qeyd edib ki, nə zaman terror hadisəsi baş versə, Qərb ölkələri bütün islam dünyasını ləkələməyə başlayır:

“İslam dini və müsəlmanlar hər hansı şəxs tərəfindən törədilən terror aktlarını şiddətlə qınayır. İslamı terrorla əlaqələndirmək haqsızlıqdır”.