Kabil hava limanında terror aktı nəticəsində 13 ABŞ hərbçisinin ölümündə Pentaqon rəhbəri Llyod Ostin, ABŞ ordusunun Baş Qərargah rəisi Mark Milli və digərləri hesab verməlidir.

Axar.az xəbər verir ki, bunu ABŞ ordusunun polkovnik-leytenantı Stüart Şeller deyib.

O bildirib ki, onlar bu işi məhv elədiklərini etiraf etməlidirlər:

“İnsanlar çox kədərlidir. Çünki ABŞ Dəniz Qüvvələrinin yüksək rütbəli şəxsləri onların xəyallarını puç etdi. Heç biri də önə çıxıb günahını etiraf etmir. Əgər bu hadisədən kimsə özünü günahkar hesab etməsə, terror zamanı həyatını itirənlər boş yerə ölmüş olacaq. Ən əsası da hava limanında insanların təxliyəsindən əvvəl təhlükəsizlik tədbirlərinin təmin edilməməsi strateji səhv idi”.