Ana səhifə Planet |
ABŞ Konqresinin Nümayəndələr Palatasının Reqlament Komitəsi müdafiə büdcəsinə düzəlişi təsdiqləyib.
Axar.az xəbər verir ki, bu düzəlişə əsasən, Konqres ABŞ Prezident Administrasiyasından 35 rusiyalıya sanksiyaların tətbiq edilməsi imkanının nəzərdən keçirilməsini istəyib.
Konqresin administrasiyaya sanksiya üçün təklif etdiyi adlar siyahısında Rusiya Prezidentinin mətbuat katibi Dmitri Peskov, Baş nazir Mixail Mişustin, Prezident Administrasiyası sədrinin müavini Sergey Kiriyenko, Təhlükəsizlik Şurasının katibi Nikolay Patruşev, Milli Qvardiya rəhbəri Viktor Zolotov, FTX direktoru Aleksandr Bortnikov, İstintaq Komitəsinin sədri Aleksandr Bastrıkin, Moskva meri Sergey Sobyaninin adları yer alıb.
Bundan başqa siyahıya Roman Abramoviç, Əlişir Usmanov, Oleq Deripaska, Gennadi Timçenko, “Qazprom” rəhbəri Aleksey Miller, “Rosneft” rəhbəri İqor Seçin, VTB rəhbəri Andrey Kostin kimi iş adamlarının da adı daxil edilib. Siyahıda həmçinin Kremlin təbliğatçıları - RT-nin baş redaktoru Marqarita Simonyan, jurnalist Vladimir Solovyov, “Birinci kanal”ın baş direktoru Konstantin Ernstin də adı var.
Tarix
2021.09.23 / 09:58
|
Müəllif
İlkin Həsənov
|