ABŞ-ın ölkədə hakimiyyəti dəyişmək cəhdlərinə cavab olaraq Şimali Koreya nüvə potensialını daha da inkişaf etdirəcək.

Axar.az xəbər verir ki, bu barədə "İnterfaks" agentliyinə müsahibəsində Şimali Koreyanın Rusiyadakı səfiri Kim Xen Çjun deyib. O, Şimali Koreyanın İran kimi nüvə məsələsində Qərblə danışıqlara getməyəcəyini bildirib:

"ABŞ və Cənubi Koreyanın birgə hərbi təlimləri regionda sülh və sabitlik üçün təhlükə yaradır. Bu təlimlərin əsas məqsədi paytaxt Pxenyanı ələ keçirmək və ölkədə hakimiyyəti dəyişməkdir. Aqressiv hərbi təxribatlardan qorunmaq üçün müdafiə potensialımızı və nüvə proqramımızı inkişaf etdirəcəyik".