ABŞ Dövlət Departamenti İranın sabiq müdafiə naziri Əhməd Vahidinin İnterpol tərəfindən axtarışlarının davam etdiyini açıqlayıb.

Axar.az xəbər verir ki, hökumət tərəfindən Argentinanın "Telam" agentliyinə göndərilən açıqlamada Tehranla əldə olunan razılaşmada Əhməd Vahidinin axtarışının ləğvinin müzakirə olunmadığı qeyd olunub.

Xüsusi olaraq vurğulanıb ki, İnterpolun axtarış siyahısında olan insanlarla çalışan bank və şirkətlər də sanksiyalara məruz qalacaq.

Xatırladaq ki, dünən Argentina Xarici İşlər naziri Ektor Timerman ABŞ Dövlət Departamentinin rəhbəri Con Kerri və Avropa Birliyinin Xarici əlaqələr və təhlükəsizlik siyasəti üzrə ali nümayəndəsi Federika Moqeriniyə məktub ünvanlayaraq, bu ölkədə terror törətməkdə şübhəli bilinən Əhməd Vahidinin axtarış siyahısından çıxarılıb-çıxarılmadığını soruşmuşdu.