Suriya xüsusi xidmət orqanlarının rəhbərlərindən biri olan general-mayor Əli Məmlük Səudiyyə Ərəbistanının Ciddə şəhərinə gəlib.

Axar.az xəbər verir ki, bu barədə informasiyanı "Əl Ərəbiyə" telekanalı yayıb.

Məmlük Ciddədə Səudiyyə Ərəbistanı nümayəndəsi ilə Suriyada vətəndaş müharibəsinin dayandırılması barədə danışıqlar aparıb. Görüşdə Rusiya nümayəndə heyəti də iştirak edib. Danışıqlar zamanı Səuddiyə Ərəbistanı Suriya müxalifətinə yardımı yalnız İran, Hizbullah və digər şiə qruplaşmalarının Suriyanı həmişəlik tərk edəcəyi halda dayandıracağını bildirib. Məmlük isə Hizbullahla bağlı məsələnin Suriya liderləri tərəfindən düşünülməli olduğunu deyib.

Bundan başqa, general Suriya, Türkiyə, Səudiyyə Ərəbistanı və İordaniyanın iştirakı ilə terrorizmlə mübarizə sahəsində alyansın yaradılmalı olduğunu da Ər-Riyada təklif edib.