Almaniyada 2015-ci ilin ilk yarısında silah ixracatı rekord həddə çatıb.

Axar.az xəbər verir ki, bu barədə Almaniyanın "Der Spiegel" jurnalı yazıb.

Məlumata görə, 2015-ci ilin ilk 6 ayı ərzində silah ixracatının həcmi 6,35 milyard avro olub. Bu rəqəm bütövlükdə ötən ilin silah ixracatına (6,5 milyard avro) bərabərdir.

Xüsusilə, Almaniyanın ərəb ölkələrinə və Şimali Afrikaya silah ixracatında bu il artım qeydə alınıb. 2014-ci ildə bu bölgələrə ixracat 219 milyon avro olduğu halda, bu ilin ilk 6 ayı ərzində 587 milyon avroya yüksəlib.

Qeyd edək ki, Almaniya dünyada ön çox silah ixrac edən 4 ölkə arasındadır.