Rusiya beynəlxalq arenada supergücdür, Qərb mətbuatının təsvir etdiyi kimi, ölkə çökməyə doğru getmir. ABŞ bu faktı dərk etməlidir.

Axar.az xəbər verir ki, bu barədə “Hill” qəzetində amerikalı politoloq Endryu Letemin məqaləsində bildirilib.

O vurğulayıb ki, Rusiyanın tənəzzülü ilə bağlı xəbərlər çox şişirdilir:

"Rusiyanın "çökməsi" barədə nağıllar Sovet İttifaqının dağılmasından bəri ardıcıl yayılır. Belə xarakterizə çox yanıltıcıdır. Rusiya artıq dağılmaq ərəfəsində olan geosiyasi ölkə deyil. Əslində, hər şey tam əksinədir: Qərəzsiz və siyasi praqmatizmlə təmkinlə baxsanız, Rusiya mütləq fövqəlgücdür. Və bu güc alətlərindən qlobal siyasi qərarlara təsir etmək üçün istifadə edə biləcək bir ölkədir. Amerika qlobal strategiyası bu təkzibedilməz faktı nəzərə almalıdır”.

Letem qeyd edib ki, Moskva köklü modernləşdirmə aparıb və ölkənin nüvə qüvvələrini təkmilləşdirərək, çox təsiredici nəticələr əldə edib.