İtaliyada dünya mediasında gündəm yaradan hadisə baş verib. Qohumu və dostu olmayan 70 yaşlı Marinella Beretta adlı qadının cansız cəsədi 2 il yarım sonra evində yemək süfrəsi arxasında, oturaqlı vəziyyətdə tapılıb.

Axar.az xəbər verir ki, əsən güclü külək səbəbi ilə qadının bağındakı ağaclar kökündən qopub. Polis qadının evinə zəng vurduqda heç kimlə əlaqə yarada bilməyib. Vəziyyətdən şübhələnən polis qadının evinə girərək onun masa arxasındakı cəsədini tapıb.

Qadının qonşuları onu 2 ildir görmədiklərini və koronavirus pandemiyası səbəbindən başqa yerə köçdüyünü zənn etdiklərini bildiriblər.

Hər kəsi heyrətə gətirən hadisə səbəbindən ölkədəki yaşlılara qulluq xidmətləri haqqında istintaq başladılıb.