Pentaqonun hesablamalarına görə, Ukrayna Rusiya ilə müqayisədə daha çox fəaliyyətdə olan tanka sahibdir.

Axar.az xəbər verir ki, bu barədə “Vaşinqton Post”a yüksək çinli amerikalı hərbçi deyib.

Hərbçinin sözlərinə görə, təkcə tankların müqayisəsi hansı tərəfin üstün olduğunu müəyyən edən amil deyil. Çünki Rusiya əsas diqqətini Donbasın şərqinə və Mariupolun mühasirəsinə kökləyib.

Bildirilib ki, Ukraynanın tank-zirehli texnika varlığı yerüstü döyüşlərdə böyük üstünlük vasitəsidir.

Hərbçinin sözlərinə görə, Ukrayna Rusiya zirehli texnikasının bir hissəsini sıradan çıxarıb, bir qismi də yararsız vəziyyətə düşdükdən sonra istifadəsiz qalıb və bütün bunlar Rusiyanın Ukrayna müqavimətinə hazır olmadığını göstərir.