Rusiya üçün hər şeyin daha uğurlu olacağını gözləyirdik, lakin zəif komandanlıq və hazırlığın olmaması səbəbindən hər şey dağıldı.

Axar.az xəbər verir ki, bunu “Conflict İntelligence Team” araşdırma qrupunun həmtəsisçisi Ruslan Leviyev deyib.

“İndi əməliyyat lokal döyüşlər formatına keçib. Rusiya ordusu növbəti dəfə Donbasda mühasirə yaratmağa çalışır. Bu müharibənin müxtəlif dövrlərində rus qoşunları müxtəlif ölçülü “sancaqlar” düzəltməyə çalışırdılar. Amma mən “Azovstal”dan başqa bir real uğur görmürəm. Hər dəfə də onların planları iflasa uğrayır”, - R.Leviyev vurğulayıb.

Leviyev hesab edir ki, səfərbərlik olmasa, Rusiya ordusu vəziyyəti dəyişə bilməyəcək:

“Fevralın əvvəlində biz Rusiya üçün hər şeyin daha uğurlu olacağını gözləyirdik, lakin zəif komandanlıq və hazırlığın olmaması səbəbindən hər şey dağıldı. Səfərbərlik düzgün həyata keçirilərsə, Donetsk və Luqansk vilayətlərinin inzibati sərhədlərinə çatmağa və onları ələ keçirməyə kömək edə bilər. Əgər səhv etsəniz, heç nə dəyişməyəcək və hər şey indiki kimi olacaq. Hazırlıq üçün ən azı bir-iki ay vaxt verməsəniz, səfərbərliyin bir mənası olmayacaq”.