BBC britaniyalı millət vəkilindən üzr istəyib.

Axar.az xəbər verir ki, BBC "Nyubit" verilişinə aid Tvitter hesabından açıqlama yazaraq belə üzr istəyib:

"Millət vəkili Alek Şelbrukdan səmimi qəlbdən üzr istəyirik. Onun qulaqları zəif eşidir, foto çəkiləndə də səsgücləndiriciləri dinləyirmiş".

Açıqlamanı paylaşan millət vəkili BBC-nin üzürünü qəbul etdiyini bildirib. BBC mövzu ilə bağlı yazılı açıqlama da verib:

"Nyusbit" səhvini anladığı anda o tviti sildi və millət vəkilindən üzr istədi".

Xatırladaq ki, bir neçə gün əvvəl İngiltərədə parlament müzakirələri vaxtı millət vəkili Alek Şelbrukun gözlərini yumaraq başını arxaya söykədiyi foto yayılmışdı. BBC də bu fotonu deputatın yatdığına işarə edərək, "Mühafizəkarlar partiyasından olan millət vəkili Alek Şelbruk gözlərini dincəldir" başlığı ilə paylaşmışdı.