Ukraynanın Baş naziri Arseni Yaçenyuku qəsdən yəhudi kimi göstəriblər ki, onu seçkilərdə qalib etsinlər.

Axar.az xəbər verir ki, bunu Ukrayna mətbuatına müsahibəsində İsrail politoloqu Aviqdor Eskin söyləyib.

Onun sözlərinə görə, Yaçenyukun yəhudilərlə heç bir ortaqlığı yoxdur:

"Yaçenyuka heç nə kömək etməyəcək. O, əvvəl-axır sinaqoq qarşısında hesab verməli olacaq. Yaçenyuk heç bir zaman sübut edə bilməyəcək ki, o yəhudidir. Əslində onun haqqında bu hekayəni keçmiş baş nazir Yuliya Timoşenko uydurub. O zaman Yanukoviçlə Azarov məhz bundan istifadə edərək, Yaçenyukun əslində yəhudi olduğunu, amma hamıdan gizlətdiyini bildirmişdilər. Bu isə onların işinə çox yaramışdı.

Qeyd edək ki, Yaçenyuk 2007-ci ildə Radanın spikeri təyin olunan zaman öz milliyətini söyləməkdən imtina etmişdi. Bu isə sonradan mətbuatda onun yəhudi olmasıyla bağlı şayiələrə səbəb olmuşdu.