"Putinin bankiri" ləqəbini almış məşhur rusiyalı oliqarx Sergey Puqaçov Rusiyanı məhkəməyə verib.

Axar.az xəbər verir ki, bu barədə informasiyanı "Röyter" agentliyi yayıb. Puqaçov Rusiyadan öz biznesinə vurulan zərbəyə görə 10 milyard dollar təzminat istəyib.

Qeyd edək ki, Puqaçov 1999-cu ildə Putinin hakimiyyətə gətirilməsində mühüm rol oynayan şəxslərdən biridir. Putinin ətrafı ilə yaşadığı ciddi konflikt pik həddə 2008-ci ilin maliyyə böhranı zamanı qalxıb. 2011-ci ildə Rusiyadan qaçan oliqarx Putin və ətrafını onun biznes imperiyasını məhv etməkdə günahlandırıb. Bunun ardınca Moskva Puqaçovu İnterpolun axtarışına verib.