Kürdüstan Demokrat Partiyasının (KDP) idarə heyətinin üzvü Şeyx Ədhəm Bərzani yenidən siyasətə qayıdır. Bərzani bir neçə gün əvvəl sosial mediada bu barədə məlumat verib.

Axar.az Rudav-a istinadən xəbər verir ki, Bərzani tərəfdarlarının böyük bir hissəsi onun siyasətə qayıtmasının tərəfdarıdır. Yerli mediaya açıqlama verən lider yeni hərəkata start verəcəyini deyib:

"Xalqın bu mövzudakı fikirini öyrəndikdən sonra Kürdüstanın sabiq peşmərgəsi və kürd siyasətçi olaraq siyasi arenaya dönməyə haqqım var. Bəzi tərəflərlə görüşdüm. Lakin hazırda Kürdüstanın düşdüyü vəziyyəti anlamaq məcburiyyətindəyik".

Şeyx Ədhəm Bərzani kimdir?

1962-ci ildə doğulan Bərzani kürd lider Mela Mustafa Bərzaninin qardaşı Osman Bərzaninin oğludur. O uzun müddət Hizbullahın Kürdüstan üzrə lideri olub. 2003-ci ildə isə Kürdüstan Demokrat Partiyasına (KDP) qatılıb. KDP-nin 13-cü konqresində KDP idarə heyəti üzvü seçilib.