Türkiyə, ABŞ, Almaniya, İngiltərə, Fransa, Qətər və Səudiyyə Ərəbistanı birgə bəyanat yayaraq Rusiyanın Suriya müxalifətinə və vətəndaşlara qarşı hücumlarının dərhal dayandılrılmasını tələb edib.

Axar.az xəbər verir ki, yayılan ortaq bəyanatda vətəndaşların hədəf alındığı deyilib:

"ABŞ, Almaniya, Birləşmiş Krallıq, Fransa, Qətər, Səudiyyə Ərəbistanı və Türkiyə hökumətləri olaraq Rusiya Federasiyasının Suriyadakı son hərbi fəaliyyətləri haqqında aşağıdakı bəyanatı veririk:

Rusiya Federasiyasının Suriyadakı hərbi qüvvələri və xüsusilə Rusiya Hərbi Hava Qüvvələri dünəndən bəri Həma, Xüms və İdlibdə vətəndaşların itkiləri ilə nəticələnən, İŞİD-i hədəfə almayan hücumları baş verib. Gərginliyi artıran bu hərbi əməliyyatlar ifratçılığın və radikallığın daha çox körüklənməsindən başqa heç bir məqsədə xidmət etməyəcək. Vətəndaşalara qarşı hücumların dərhal dayandırılmasını və İŞİD-ə qarşı mübarizə üçün addımlar atılmasını tələb edirik".