14:08

İrəvandakı “Sürməli” ticarət mərkəzində partlayış baş verib.

Axar.az xəbər verir ki, bu barədə Ermənistan Fövqəladə Hallar Nazirliyi məlumat yayıb.

Məlumata görə, hadisə yerinə 6 yanğın-xilasetmə bölməsi və təcili tibbi yardım maşınları göndərilib.

Nazirlik çoxlu sayda yaralının olduğunu bildirib.

Erməni Teleqram kanallarının yaydığı məlumata görə, partlayış pirotexniki avadanlıqların yanması nəticəsində baş verib.

***

Ermənistan Fövqəladə Hallar Nazirliyinin məlumatına görə, yanğın nəticəsində 1 nəfər ölüb, 20 nəfər isə yaralanıb.

***

İrəvandakı “Sürməli” ticarət mərkəzində baş verən partlayış nəticəsində yaralananların sayıt artıb. Ermənistan Fövqəladə Hallar Nazirliyinin məlumatına görə, xəstəxanalara 30 yaralı yerləşdirilib.

***

Ticarət mərkəzində baş verən partlayışda yaralananların sayı 51-ə çatıb.

***

Ticarət mərkəzində baş verən partlayış zamanı xəsarət alanların sayı 57 nəfərə çatıb.

Bu barədə Ermənistan Səhiyyə Nazirliyi məlumat yayıb. Məlumata görə, yaralanan 36 nəfərin vəziyyəti orta ağır qiymətləndirilir, digərlərinin isə qənaətbəxşdir.

***

Dağıntılar altından daha bir nəfərin meyiti çıxarılıb. Şəxsiyyəti məlum deyil. Onun 40-45 yaşlarında qadın olduğu bildirilir.

Bu barədə Ermənistan FHN məlumat yayıb.

***

Baş verən partlayış zamanı yaralananların sayı 60-a çatıb.

***

Partlayış nəticəsində baş verən dağıntılar altından daha bir nəfər çıxarılıb. Bununla da ölənlərin sayı 3-ə çatıb.

***

Son məlumata görə, partlayış nəticəsində yaralananların sayı 61-ə çatıb. 27 nəfərin taleyi naməlum olaraq qalır.