ABŞ Dövlət Departamenti Rusiya hərbi təyyarəsinin Türkiyənin hava məkanına girməsini "ağılsız hərəkət" adlandırıb.

Musavat.com-un məlumatına görə, bu barədə "Röyter" agentliyi Departamentin rəsmi nümayəndəsi Mark Tonerə istinadən xəbər yayıb.

"Səmimi desək, biz bu müdaxiləni ağılsızlıq kimi qiymətləndiririk", – qeyd edib qurum təmsilçisi.

Rusiya Müdafiə Nazirliyindən isə insidentin əlverişsiz hava şəraiti üzündən baş verdiyi bildirilib. Hərbçilər qeyd edirlər ki, gələcəkdə belə halın təkrarlanmaması üçün bütün zəruri tədbirlər görülüb.

Bundan qabaq ABŞ Dövlət katibi Con Kerri və NATO baş katibi Yens Stoltonberq olayla bağlı narahatlıqlarını bildirmiş və Rusiyadan izahat tələb eləmişdilər.