Ana səhifə Planet |
Rusiya Suriya Prezidenti Bəşər Əsədi xilas etmək üçün daha bir addım atıb.
Axar.az Türkiyənin "Yeni Şəfəq" qəzetinə istinadən xəbər verir ki, PYD (peşmərgə) rəsmiləri Rusiyanın vasitəçiliyi ilə Dəməşqə səfər edib. Danışıqlar zamanı İŞİD-ə qarşı Suriya ordusu ilə birgə quru əməliyyatlarının aparılması barədə razılıq əldə olunub.
Hərbi əməkdaşlığın ölkənin şərqini, Suriya-İraq sərhədini əhatə edəcəyi bildirilir.
Əməliyyatların koordinasiyalı aparılması üçün isə Qamışlı şəhərində əlaqə bürosu qurulacaq. Sözügedən büroda 7 suriyalı zabit çalışacaq.
Həmçinin Rusiyanın vasitəçiliyi ilə PYD-nin Haseki şəhərində tutduğu əraziləri rejim ordusuna təhvil verdiyi bildirilir.
Rusiyanın PYD-nin quru dəstəyinə qarşılıq olaraq, hansı sözü verdiyi isə maraqla gözlənilir. "PYD lideri Salih Müslim Moskvadan muxtariyyət vədi alıb" barədə şayiələr yayılıb.
Qeyd edək ki, ötən gün də Suriya müxalifəti İŞİD-ə qarşı rejimlə birgə döyüşməyə hazır olduqlarını açıqlayıb.
Tarix
2015.10.09 / 20:53
|
Müəllif
İlham Sahiloğlu
|