ABŞ Ukrayna böhranının nizamlanması üzrə Rusiya ilə Ukrayna adından danışıqlar aparmaq niyyətində deyil, bunu birbaşa Kiyev və Moskva etməlidir.

Axar.az xəbər verir ki, bu sözləri ABŞ Dövlət Departamentinin sözçüsü Ned Prays deyib.

"Biz açıq şəkildə bildirdik ki, ABŞ hökuməti Ukrayna da daxil olmaqla, başqa heç bir ölkənin adından danışıqlar aparmaq rolunu öz üzərinə götürmür. Əgər cari müharibəni dayandırmaq üçün dialoq və diplomatiya imkanı varsa, o zaman son nəticədə bu, Rusiya və Ukrayna tərəfindən istifadə edilməlidir. Biz Ukrayna üçün qərar qəbul etmək niyyətində deyilik”, - deyə Prays bildirib.