Pakistanın Baş naziri Nəvaz Şərif ABŞ-a səfər edib. Səfər çərçivəsində Ağ Ev rəhbəri Barak Obama ilə görüşən baş nazir terrorla mübarizə və regional məsələləri müzakirə edib.

Axar.az xəbər verir ki, Nəvaz Şərif terrorçuların Pakistan torpaqlarından başqa bir ölkəyə qarşı istifadə etməsinə icazə verməyəcəklərini Obamanın diqqətinə çatdırıb.

Ağ Evdən verilən açıqlamada liderlərin Pakistan-Hindistan əlaqələrini, terrorla mübarizə məsələlərini müzakirə etdiyi bildirilib. Ayrıca, İŞİD-in Cənubi Asiya bölgəsində yayılması da narahatlıqla qeyd olunub.

Obama Əfqanıstan və Taliban arasındakı uzun müddətli sülh danışıqlarında Pakistanın rolunu yüksək qiymətləndirib.