Ukrayna kəşfiyyatının Rusiyanın Krımı ələ keçirmək planıından məlumatı olub.

Axar.az xəbər verir ki, bunu Ukrayna Xarici Kəşfiyyat İdarəsinin keçmiş sədri Nikolay Malomuj söyləyib. Onun sözlərinə görə, kəşfiyyat bununla bağlı hakimiyyətə məlumat versə də, yuxarı eşelondakı şəxslər buna o qədər önəm verməyiblər:

"Ukrayna Xarici Kəşfiyyat İdarəsi Krım ssenarisi və Rusiyanın Milli Təhlükəsizlik və Müdafiə Şurasının iclası barədə məlumata sahib idi. Bunun üçün Ukrayna prezidentinin səlahiyyətlərini yerinə yetirən Aleksandr Turçinov dərhal effektiv addımlar görməli idi. Siyasi rəhbərlik təhdidi kifayət qədər dəyərləndirməmişdi. Bu isə Rusiyaya öz diversantlarını, kəşfiyyat nümayəndələrini yarımadaya keçirməyə və Krımı anneksiya etməyə səbəb oldu".