Azərbaycanın xalq artisti Həsən Məmmədovun oğlu Əvəz Məmmədov iyulun 29-na keçən gecə 57 yaşında dünyasını dəyişib.

Kult.az xəbər verir ki, bu barədə mərhumun yaxınları sosial şəbəkə hesablarında paylaşım ediblər.

Qeyd edək ki, Ə.Məmmədov 1968-ci ildə Bakı şəhərində doğulub. O, BDU-nun Hüquq fakültəsini bitirib. Ə.Məmmədov Salyan Rayon Polis Şöbəsində və Bakı şəhər Nərimanov Rayon Məhkəməsində çalışıb.

Daha sonra isə Nərimanov Rayon Polis İdarəsində baş təhqiqatçı vəzifəsini icra edib. O, 2013-2023-cü illərdə Fövqəladə Hallar Nazirliyində baş təhqiqatçı vəzifəsində də işləyib.

Xalq artistinin övladının dəfn mərasimi bu gün Yasamal qəbiristanlığında olacaq.