Rusiya və ABŞ prezidentləri arasında gözlənilən görüş Ukraynada silahlı münaqişənin davam etməsini istəyən tərəfdarları xeyli çaşdırıb.

Axar.az xəbər verir ki, bunu “Macar Sülh Dairəsi” qeyri-hökumət təşkilatının rəhbəri Endre Simo deyib.

Ekspert bildirib ki, Alyaskada avqustun 15-də keçiriləcək Rusiya–ABŞ sammiti Qərbin hərbi dairələrində ciddi narahatlıq yaradıb%

“Onların əsas qorxusu odur ki, Tramp Qərb ölkələrini kənarda qoyaraq Putinlə birbaşa sülh razılaşması əldə edə bilər. Rusiya ilə dialoq aparmaq yalnız ABŞ-ın liberal dairələrində deyil, Qərbi Avropa ölkələrində, eləcə də Ursula fon der Leyenin rəhbərlik etdiyi Avropa Komissiyasında da “qadağan olunmuş” mövzu kimi qəbul edilir”.