ABŞ YGP ilə əməkdaşlığı davam etdirəcək.

Axar.az xəbər verir ki, bu barədə Ağ Ev Milli Təhlükəsizlik Şurasının nümayəndəsi Ben Rodes məlumat verib.

Vaşinqton rəsmisinin sözlərinə görə, Suriyada kürd qüvvələrinə dəstək bundan sonra da davam edəcək:

"Türkiyə hökuməti ilə bu barədə danışmışıq. Onların PKK ilə bağlı narahatlığını başa düşürük. Biz də PKK-nın terror təşkilatı olduğunu qəbul edirik. Amma YPG digər Suriya müxalifləri kimi İŞİD-ə qarşı döyüşür. Biz yalnız kürd qüvvələrindən bəhs etmirik. Onlarla bərabər sünni-ərəb qüvvələri də var. Türkiyə ilə danışıqlarımızı davam etdirəcəyik. Keçmişdə türklərin bəzi İraq kürdləri ilə yaxşı əlaqələri olub. Bu səbəbdən əməkdaşlıq mümkündür".