Türkiyə Rusiya və Belarus hava yollarının “Boinq” və “Airbus” təyyarələrinə xidmət göstərməkdən, o cümlədən onları yanacaqla təmin etməkdən imtina edib.

Axar.az “AirportHaber” portalına istinadla xəbər verir ki, bu barədə qərarı ölkənin Gömrük və Ticarət Nazirliyi ABŞ Ticarət Nazirliyinin məktubundan sonra qəbul edib.

Məhdudiyyətlər Rusiyanın yeddi aviadaşıyıcısına şamil edilir: “Aeroflot”, “S7 Airlines”, “Utair”, “AZUR Air”, “Pegas Fly”, Rusiya və Yamal.

İndi Türkiyədən uçan Rusiya təyyarələri Soçidə yanacaq doldurmağa məcburdur.

İstanbulda təyyarəyə xidmət göstərməkdən imtinanı “Kommersant”ın iki aviaşirkətdəki mənbələri təsdiqləyib və problemin həlli üzərində işlədiklərini qeyd ediblər.