Qətər Dövlətinin Əmiri Şeyx Təmim bin Həməd əs-Sani Özbəkistan Prezidenti Şövkət Mirziyayevin dəvəti ilə iyunun 5-6-da ilk dəfə bu ölkəyə səfər edəcək.

Axar.az xəbər verir ki, bu barədə “Sputnik Özbəkistan” məlumat yayıb.

Məlumata görə, dövlət başçıları beynəlxalq siyasətin aktual məsələlərini və regional gündəliyi müzakirə edəcəklər.

“Ən yüksək səviyyədə danışıqlar zamanı Özbəkistan-Qətər çoxşaxəli münasibətlərinin gələcək inkişafı məsələlərinə baxılacaq. Söhbət ilk növbədə fəal siyasi təmasların və mədəni-humanitar mübadilənin davam etdirilməsindən, enerji, qaz-kimya sənayesi, kənd təsərrüfatı, infrastruktur sahələrində iri investisiya layihələrinin həyata keçirilməsindən gedir”, - məlumatda vurğulanıb.