Çin bərk yanacaqla işləyən “Licien-1”daşıyıcı raketi ilə orbitə 26 peyk çıxarıb.

Axar.az xəbər verir ki, daşıyıcı raketin buraxılışı Qobi səhrasındakı Ciuçüən kosmodromunda yerli vaxtla saat 12:10-da (Bakı vaxtı ilə 8:10) baş tutub. Bu, “Licien-1” seriyasından 2-ci uğurlu raket buraxılışı, habelə ölkə tarixində eyni raketdə ən çox peykin orbitə çıxarılmasıdır.

Çinin Elmlər Akademiyası Mexanika İnstitutunun mütəxəssislərinin hazırladığı raket 1500 ton yükü 500 kilometr yüksəyə qaldıra bilir.

Orbitə çıxarılan peyklər əsasən texnoloji eksperimentlər və məlumatları məsafədən yoxlamaq üçün istifadə ediləcək.