Gürcüstanın eks-prezidenti Mixail Saakaşvili bütün cəhdlərə baxmayaraq, siyasətə qayıda bilməz, çünki tərəfdarlarının əksəriyyətini itirib.

Axar.az xəbər verir ki, bu barədə gürcü ekspert Qulbaat Rtsxiladze deyib.

O bildirib ki, Saakaşvilinin böyük siyasətə qayıdışı şansı demək olar ki, yoxdur:

“Saakaşviliyə gəlincə, bu amil hələ də sabitliyi pozan, dağıdıcı olaraq qalır, lakin mən düşünmürəm ki, Saakaşvili özünü tam bərpa edə bilsin. O, hətta çox qızğın tərəfdarları arasında da xal itirdi. İtirdiklərini geri qaytara bilməyəcək", - Rtsxiladze bildirib.

Qeyd edək ki, həbsdə olan sabiq prezident aktiv siyasətə qayıdacağını elan edib. Vahid Milli Hərəkat Partiyası 2024-cü ildə partiyanın qurucusu Saakaşvilinin baş nazir postuna namizədliyini irəli sürmək planını açıqlayıb.