Ana səhifə Planet |
Səudiyyə Ərəbistanı səfirliyinə edilən hücum beynəlxalq münasibətlər baxımından qəbul edilə bilməz. Görünür, İran lazımi tədbirləri görməyib.
Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan ölkənin məhəllə rəhbərləri ilə görüşü zamanı deyib.
O, Səudiyyənin 47 nəfəri edam etməsini Ər-Riyadın daxili məsələsi adlandırıb:
"Edam cəzası Türkiyədə olmasa da, Rusiya və ABŞ-da var. Dünya bu ölkələrdə baş tutan edamlara, Misirin devrilmiş Prezidenti Məhəmməd Mursi barəsində qərara və Suriyada 400 min insanın öldürülməsinə reaksiya vermir. Lakin bir adamın edamına qarşı çıxırlar. Mənə görə, Səudiyyə Ərəbistanının gerçəkləşdirdiyi edamlar ölkənin daxili məsələsidir".
Qeyd edək ki, Səudiyyə Ərəbistanı yanvarın 2-də aralarında şiə din alimi Ayətullah Nimr Baqir ən-Nimrin də olduğu 47 nəfəri edam edib. Bu edam İran-Ərəbistan münasibətlərini kəskinləşdirib.
Tarix
2016.01.06 / 18:02
|
Müəllif
İlham Sahiloğlu
|