Türkiyə İraqa 4 yeni sərhəd-keçid məntəqəsi açmağı planlaşdırır.

Axar.az xəbər verir ki, bu barədə Türkiyənin "Sabah" qəzeti yazıb.

Qəzetin məlumatına görə, qərarın verilməsinə səbəb iki ölkə arasında yeganə sərhəd-keçid məntəqəsi olan "Habur"un terror təhlükəsinə görə 3 həftə bağlı qalması olub.

Türkiyənin Gömrük və Ticarət Nazirliyi məsələ ilə bağlı işlərin artıq 70 faizini tamamlayıb. Şimali İraq Kürd Regional Rəhbərliyinin Baş naziri Neçirvan Bərzani ilə ilkin razılaşma əldə olunub.

Yeni sərhəd-keçid məntəqələri Şırnak vilayətinin Gülyazı, Ağtəpə, Ovaköy kəndlərində və Hakkari vilayətinin Üzümlü bölgəsində açılacaq.

Məntəqələrin 2017-ci ilə qədər istifadəyə verilməsi planlaşdırılır.