ABŞ-ın vitse-prezidenti Co Bayden Türkiyəyə gəldi, yalanları sadaladı. O, "PKK-nı terror qruplaşması olaraq tanıyırıq" dedi. Amma ABŞ Suriya, İraq və Türkiyədəki terror qruplaşmalarının arxasıdakı ən önəmli qüvvədir.

Axar.az xəbər verir ki, bu barədə Türkiyənin "Ulusalkanal" xəbər agentliyi yazıb.

"Tarix 18 yanvar 2016. Türkiyənin saxta müttəfiqi ABŞ İraqın Kərkük şəhərində PKK ilə bir mövqedə döyüşür. ABŞ ağır artilleriya silahları ilə PKK-nı təmin edir. ABŞ xüsusi qüvvələri İŞİD-ə qarşı mübarizə bəhanəsi ilə PKK-nı silahlandırır. Amerikalı əsgərlər terrorçularla çiyin-çiyinə döyüşür.

Tarix 20 yanvar 2016. Məkan bu dəfə Türkiyədir. Şırnakın Silopi mahalında PKK-ya qarşı əməliyyatlar keçirən türk əsgərləri ABŞ-a aid pilotsuz təyyarə tapırlar. Bu təyyarə ABŞ Hərbi Qüvvələrinin tabeliyində idi və PYD vasitəsilə PKK-ya hədiyyə edilmişdi".