Gürcüstanın hakim "Gürcü arzusu" koalisiyası əvvəl-axır parçalanacaq.

Axar.az xəbər verir ki, bunu jurnalistlərə açıqlamasında Gürcüstanın Energetika naziri Kaxa Kaladze söyləyib. Onun sözlərinə görə, hələlik hakim koalisiyanın 2016-cı ilin parlament seçkisində əvvəlki formada iştirakı gözlənilir:

"Koalisiyanın parçalanmasında faciəvi heç bir şey yoxdur. Mən hələlik yaxın zamanlarda parçalanma riskinin olacağına inamıram".

Qeyd edək ki, "Gürcü arzusu" koalisiyası hakimiyyətə 2012-ci ildə gəlib. Onun yaradıcısı gürcü milyarderi Bidzina İvanişvilidir.

Gürcüstan növbəti parlament seçkisi 2016-cı ilin payızında keçiriləcək.