Fransa səfiri Pyer Levi Rusiya Xarici İşlər Nazirliyinə çağırılıb.

Axar.az xəbər verir ki, bu barədə Rusiya XİN məlumat yayıb.

Bildirilib ki, Fransanın Avropa və xarici işlər naziri S.Sejurnenin Fransa tərəfinin Rusiya rəsmiləri ilə danışıqlara maraq göstərməməsi haqda son bəyanatlarına görə Fransa səfiri Rusiya XİN-ə çağırılıb.

“Fransa səfirinin diqqətinə çatdırılıb ki, reallıqla heç bir əlaqəsi olmayan bu cür bəyanatlar qəbuledilməzdir. Biz Fransa xarici siyasət idarəsinin rəhbərinin bu bəyanatlarını iki ölkə arasında hər hansı dialoqun mümkünlüyünü pozmağa yönəlmiş şüurlu və düşünülmüş hərəkət kimi qiymətləndiririk”, - deyə Rusiya XİN-in məlumatında qeyd olunub.