Türkiyə Prezidenti Rəcəb Tayyib Ərdoğanla Fələstin lideri Mahmud Abbas arasında telefon danışığı baş tutub.

Axar.az xəbər verir ki, bunu Türkiyə Prezidenti Administrasiyasının Kommunikasiya İdarəsinin rəhbəri Fəxrəddin Altun “TRT Haber”ə açıqlamasında deyib.

“Cənab Ərdoğan M.Abbasa bildirdi ki, nə olursa olsun, İsrailin Qəzzaya hücumlarına qarşı möhkəm dayanmağa davam edəcəklər. İsrail bu zülmün əvəzini mütləq ödəyəcək.

Türkiyə prezidenti eyni zamanda vurğuladı ki, BMT Təhlükəsizlik Şurasının qərarı da daxil olmaqla, atəşkəs üçün bütün vasitələr səfərbər edilməlidir. İsrailə qarşı möhkəm və birlik içində mübarizə aparmaq lazımdır”, - F.Altun qeyd edib.