Ana səhifə Planet |
İran iyul ayında imzalanmış və ötən ay qüvvəyə minən nüvə razılaşmasının ardınca iki ballistik raket sınağı keçirib.
Axar.az xəbər verir ki, Tehran ABŞ-dan gələn yeni sanksiya təhdidlərinə baxmayaraq, dünən başladığı ballistik raket sınağını bu gün də davam etdirib.
İran İslam İnqilabı Keşikçilər Korpusu (SEPAH) tərəfindən keçirilən təlimlərdə "Qədr-H" və "Qədr-F" tipli iki mərmi İranın Şərqindən Ərəbistan dənizi sahilindəki Mekran bölgəsinə atılıb.
SEPAH komandiri, general Hüseyn Salami sınağın uğurla tamamlandığını açıqlayıb:
"Bu gün atdığımız raketlər sanksiyaların nəticəsidir. Bu sanksiyalar İranın raket proqramının inkişafına kömək etdi".
Hava Kosmos Birliyi komandiri, general Əmir Əli Hacızadə manevr zamanı 2 min kilometr mənzilli ballistik raketlərin 1400 kilometr məsafədəki hədəfləri asanlıqla məhv etməyi bacardığını deyib.
"Sionist rejimi (İsraili-red) rahat şəkildə vura bilmək üçün raketlər hazırlanıb", - general qeyd edib.
Qeyd edək ki, İran ilə İsrail arasındakı məsafə təxminən min kilometrdir.
Tarix
2016.03.09 / 13:46
|
Müəllif
Şəmsəddin Ənsar
|