Bütün vəzifə sahibləri - istər təyinatla gələnlər, istərsə də xalq tərəfindən seçilənlər olsun, daha diqqətli davranmalıdır.

Axar.az xəbər verir ki, bunu Türkiyə Prezidenti Rəcəb Tayyib Əroğan İstanbul Böyükşəhər Bələdiyyəsinin sədri Əkrəm İmamoğlunun jurnalistləri Romaya aparmasına münasibət bildirərkən deyib.

“Millətimizin vergisini xərcləyən heç bir qurum insanlarımızın ürəyini ağrıdan israfçılıqla məşğul ola bilməz. Son vaxtlarda bələdiyyə resurslarından əsasən şəxsi məqsədlər üçün istifadə olunduğunun şahidi oluruq. Heç kim inciməsin, millətin cibindən jurnalistlər üçün özəl təyyarə tutub Romaya səfər etməyin haqlı tərəfi ola bilməz. Bütün vəzifə sahibləri belə məsələlərdə daha diqqətli davranmalıdır”, - Ərdoğan vurğulayıb.