11:00

Pakistanın cənub-qərbində terror aktı baş verib.

Axar.az xəbər verir ki, bu barədə AFP məlumat yayıb.

Məlumata görə, silahlı şəxslər Pəncab-Bəlucistan magistral yolunda avtomobillərə hücum edib. Nəticədə 22 nəfər ölüb, 5 nəfər yaralanıb.

***

Pakistanın cənub-qərbində yaraqlıların sərnişin avtobuslarına hücumu nəticəsində azı 39 nəfər ölüb.

Bu barədə "Frans Press" agentliyinə əyalət administrasiyasının mətbuat katibi bildirib.

Onun sözlərinə görə, hücumu “Bəlucistan Azadlıq Ordusu” qruplaşmasının radikalları həyata keçirib.

***

Pakistanın Bəlucistan əyalətində silahlıların avtomobil yollarına və polis məntəqələrinə hücumları nəticəsində 51 nəfər həlak olub.

Bu barədə "Röyters" mənbələrə istinadən məlumat yayıb.

“Bu hücumlar Pakistanda anarxiya yaratmaq üçün yaxşı düşünülmüş plandır. Təhlükəsizlik qüvvələri 12 yaraqlını məhv edib”, - daxili işlər naziri Möhsün Nəqvi bildirib.