Əpl Ayfon 16 seriyasının elanından sonra ən azı 10 milyon cihazın satışını dayandırmağı planlaşdırır. Ənənəvi olaraq, hər payız şirkət bir sıra qadcetlərin satışını dayandırır, onları yeni modellərlə əvəz edir.

Axar.az Qaynarinfo-ya istinadən xəbər verir ki, bu barədə "MacRumors" yazıb.

Satışdan çəkilməyə ilk namizədlər arasında Ayfon 15 Pro və Ayfon 15 Pro Maks var. Həmçinin Ayfon 14 Plusun satışının dayandırılacağı gözlənilir - sırada yalnız Ayfon 14 qalacaq.

Bundan əlavə, Əpl şirkətin onlayn mağazasında brendin ən köhnə telefonu olan Ayfon 13-ün istehsalını birdəfəlik dayandırmağı planlaşdırır. Yeni AyPad mininin qarşıdan gələn buraxılışı ilə əlaqədar altıncı nəsil planşet də dayandırılacaq.

Bundan əlavə, Əpl Watch 9, Əpl Watch Ultra 2 və Əpl Watch SE 2 modellərinin istehsalı dayandırılaraq yeni smart cihazlarla əvəz olunacaq. AirPods 2 və AirPods 3 də köhnəlmiş hesab olunacaq və yerini AirPods 4-ə verəcək.