Venesuelada ölkə prezidenti Nikolas Maduroya sui-qəsd cəhdində şübhəli bilinən xarici ölkə vətəndaşları saxlanılıb.

Axar.az xəbər verir ki, bu barədə CNN məlumat yayıb.

Məlumata görə, saxlanılar üç ABŞ, iki İspaniya və bir Çexiya vətəndaşıdır. Onlar Qərb kəşfiyyat xidmətlərinin göstərişi ilə Maduronu və digər yüksək rütbəli məmurları öldürməklə Venesuelada sabitliyi pozmağa cəhddə ittiham olunurlar.

Venesuelanın daxili işlər naziri Diosdado Kabello bildirib ki, sui-qəsd Mərkəzi Kəşfiyyat İdarəsi tərəfindən planlaşdırılıb. Saxlanılan ABŞ vətəndaşlarının hamısı ABŞ Hərbi Dəniz Qüvvələrinin “dəniz pişikləri”dir.

ABŞ Dövlət Departamenti faktı təkzib edib.