Ana səhifə Planet |
19:53
Kubanın Matanzas şəhərində istilik elektrik stansiyasında (İES) qəza baş verib.
Axar.az xəbər verir ki, bu barədə Kubanın Energetika və Dağ Sənayesi Nazirliyi X hesabında məlumat yayıb.
Məlumata görə, baş vermiş qəza səbəbindən ölkənin milli enerji sistemi tamamilə çöküb.
Energetika Nazirliyi elektrik enerjisinin bərpası üzərində işlərin davam etdiyini bildirib.
Qeyd olunur ki, qəzaya səbəb ABŞ-ın tətbiq etdiyi "iqtisadi təqib"dir:
"Bu, Kubaya yanacaq və digər resursların idxalını çətinləşdirir”.
***
Kubada əsas istilik elektrik stansiyasının (İES) fəaliyyətinin dayanmasından sonra yaranan enerji böhranı hələ də aradan qaldırılmayıb.
“Fiqaro” nəşrinin məlumatına görə, cümə günü ölkə üzrə elektrik təchizatı dayandıqdan sonra təmir qrupları fasiləsiz işləyib. Bununla belə, bir sutkadan artıqdır “Azadlıq adası”nda elektrik təchizatını bərpa etmək mümkün olmur. 2 milyondan çox sakini olan paytaxt Havanada yalnız generatoru olan otellər, xəstəxanalar və bir neçə fərdi ev elektrikdən istifadə edə bilir.
Tarix
2024.10.19 / 23:18
|
Müəllif
Axar.az
|