Rusiya Prezidenti Vladimir Putin Şimali Koreya qoşunlarının Rusiyaya göndərilməsi ilə bağlı sualı cavablandırıb.

Axar.az Globalinfo.az-a istinadən xəbər verir ki, Putin bu barədə BRİKS sammitindən sonra keçirilən mətbuat konfransında danışıb

O, Rusiya ilə KXDR arasında əməkdaşlığın iki ölkənin daxili işi olduğunu bəyan edib:

“Bu gün bizim strateji tərəfdaşlıq sazişimiz ratifikasiya olundu. 4-cü maddə var. Biz Şimali Koreya rəhbərliyinin razılaşmalarımızı ciddi qəbul etdiyinə heç vaxt şübhə ilə yanaşmamışıq. Bu razılaşma çərçivəsində nəyi və necə edəcəyik, bizim işimizdir. Əvvəlcə danışıqlar aparmalıyıq”.

Xatırladaq ki, müqavilənin 4-cü bəndində deyilir ki, əgər tərəflərdən biri hansısa dövlətin silahlı hücumu nəticəsində müharibə vəziyyətinə düşərsə, digər tərəf ona dərhal sərəncamında olan bütün vasitələrlə hərbi yardım göstərməlidir.