2024.12.03 - 22:12

Tiflisdə yenidən hökumətə qarşı etiraz aksiyaları başlayıb.

Axar.az xəbər verir ki, yenə yüzlərlə insan parlament binası qarşısına toplaşmağa başlayıb.

Polis qüvvələri ərazini nəzarətdə saxlayır.

Qeyd edək ki, 28 noyabrda Baş nazir İrakli Kobaxidzenin AB-yə üzvlüklə bağlı danışıqların 2028-ci ilə qədər dayandırıldığı barədə açıqlamasından sonra Tiflisdə müxalifətin genişmiqyaslı aksiyaları sistemli hal alıb.

***

Tiflisdə xüsusi təyinatlılar nümayişçiləri parlament binasından uzaqlaşdırmağa başlayıb.

Bu barədə Gürcüstan KİV-i məlumat yayıb.

Aksiyaçılara qarşı güc tətbiqi edilmədiyi bildirilib.

***

Tiflisdə mitinqin başlanmasından qısa müddət sonra etirazçılar zorakılıqlara əl atıblar.

Bu barədə Gürcüstan DİN məlumat yayıb.

"Mitinq iştirakçıları hüquq-mühafizə orqanlarının əməkdaşlarını təhqir edir və onlara müxtəlif küt əşyalar, pirotexniki vasitələr və tezalışan maddələr atırlar. Bir daha hər mitinq iştirakçısını qanun çərçivəsində etiraz etməyə çağırırıq", - müraciətdə qeyd olunub.