İraqın Suriyadakı səfirliyi bu ölkədə olan vətəndaşlarının təxliyəsinə başlayıb.

Axar.az xəbər verir ki, bu barədə İraq səfirliyinin sosial şəbəkə hesabında elan yerləşdirilib.

Bildirilib ki, Suriyanı tərk etmək istəyənlər səfirliyə müraciət etsinlər.

Bundan öncə Rusiya öz vətəndaşlarını Suriyadan çıxmağa çağırmışdı.

Qeyd edək ki, Heyət Təhrir əş-Şam (HTŞ) qruplaşması artıq Xümsü ələ keçirmək üzrədir. Qruplaşmanın lideri Əbu Məhəmməd Colani hədəfin Dəməşq olduğunu açıqlayıb.

Türkiyə lideri Ərdoğan da HTŞ-nin Dəməşqə doğru irəlilədiyini və paytaxtı alacağına əminliyini ifadə edib.

Az öncə isə Suriya Prezidenti Bəşər Əsədin ailəsi ilə birgə ölkədən qaçdığı haqda məlumat yayılıb.