İraqın bölünməsi Suriyanın da parçalanmasının əsasını qoyacaq.

Axar.az xəbər verir ki, bu sözləri Türkiyənin İraqdakı keçmiş səfiri Ünal Çeviköz deyib.

"İraqın bölünməsi olduqca təhlükəli proseslərə yola aça bilər. Bu, Türkiyə baxımından da çox təhlükəlidir. İraqda sünni dövlət yaranarsa, Suriyaya da mənfi təsirlərini göstərə bilər. Eyni zamanda şimalda kürd dövlətinin yaranma ehtimalı da ön plana çıxacaq", - Çeviköz bildirib.

Bundan əlavə, bəzi türk rəsmiləri Ankaranın gündəmində İraqın parçalanması məsələsinin olmadığını bildiriblər.

Qeyd edək ki, "Nyu-York Tayms" qəzeti ABŞ rəsmilərinin İraqın parçalanması məsələsini müzakirə etdiyini iddia edib.